रुकुम पूर्वको जिल्ला अदालत अगाडि शंकास्पद वस्तु फेला परेको छ । अदालतको २०० मिटर अगाडि पोलिथिनमा पोको पारेको अवस्थामा उक्त शंकास्पद वस्तु फेला परेको प्रमुख जिल्ला अधिकारी मित्रलाल शर्माले जानकारी दिए । उक्त वस्तु बम भएको स्थानीयले आशंका गरेका छन् । तर यसको पुष्टि भइनसकेको प्रमुख जिल्ला अधिकारी शर्माले बताए ।

‘अदालत अगाडि पोलिथिनमा बेरिएको अवस्थामा शंकास्पद वस्तु फेला परेको छ, उनले भने–तर यसको पुष्टि भैसकेको छैन् ।’ सेनाले उक्त वस्तु के हो भनेर पत्ता लगाउने काम भइरहेको बताईएको छ । अहिले शंकास्पद वस्तु रहेको ठाउँमा प्रहरी, नेपाली सेनासहितको सुरक्षाकर्मीको टोली पुगेको छ ।