हेटौंडा, २० मंसिर/मकवानपुर बहुमुखी क्याम्पसको पुस्तकालयको शुल्क बुद्धि को अवज्ञा गर्दै क्याम्पसको पुस्तकालयमा ताला लगाएको नेपाल विद्यार्थी संघ मकवानपुर क्याम्पस इकाई समितिले आन्दोलन सुरु गरेको छ । | पहिलो चरणको दबावमुलक कार्यक्रम अन्तर्गत क्याम्पसमा माग पूरा गराउनको लागि आन्दोलन गरिएको क्याम्पस ईकाई उपाध्यक्ष मिलन पुडासैनीले जानकारी दिए । क्याम्पस परिसरमा नाराबाजी गर्दै नेवि संघ निकटका विद्यार्थीहरुले सञ्चालक समिति अध्यक्ष डोरमणि पौडेलको राजिनामा माग गरेका थिए । यस्तै पुस्तकालयको शुल्क बुद्धिका विषयमा विद्यार्थीहरुले नाराबाजी गर्दै अढाइएको शुल्क फिर्ता लिन माग गरेका थिए । स्वतन्त्र विद्यार्थी युनियन (स्ववियु) र सञ्चालक समितिको मिलेमतोमा पुस्तकालय शल्क बृद्धि गरिएको नेवि संघले आरोप लगाएको छ ।