बिप्लव समूह भनि चिनिने नेपाल कम्युनिष्‍ट पार्टीको भातृ युवा संगठन ‘रेड योंग फोर्स’ का केन्द्रीय अध्यक्ष संखुवासभा पाँचखपन नगरपालिका-४ बाना घर भई हाल मोरङ कानेपोखरी गाउँपालिका-४ रमाइलो बस्ने ३७ वर्षीय बाबुराम राईलाई संखुवासभाको खाँदबारीबाट बिहीबार दिउँसो प्रहरीले पक्राउ गरेको छ । विवश उपनामका निज राई बम विष्फोटन, आगजनी जस्ता संगठित अपराधमा फरार अभियुक्त रहेको बुझिएको छ ।  पक्राउ व्यक्तिहरुका सम्बन्धमा स्थानीय प्रहरीबाट थप अनुसन्धान भइरहेको छ ।