३८ वर्षीया महिलालाई कथित बोक्सीको भन्दै गालीगलौज र दुर्व्यवहार गरेको आरोपमा प्रहरीले स्याङ्जा जिल्ला चापाकोट नपा-२ बस्ने २५ वर्षीया चन्द्रकला थापा र तनहुँ जिल्ला बन्दिपुर नपा-६ घर भई हाल पोखरा मनपा-१६ बस्ने ३३ वर्षीया सोममाया गुरुङलाई असार १८ गते गिरफ्तार गरेको छ ।

पीडित महिलालाई आरोपितद्वयले असार १७ गते कथित बोक्सीको आरोपमा गाली गलौज गर्दै दुर्व्यवहार गरेको भन्दै पीडितले असार १८ गते वडा प्रहरी कार्यालय, वालिङमा उजुरी दिएकी थिइन् ।

पीडितको उजुरीपछि आरोपितद्वयलाई गिरफ्तार गरी घटनाको अनुसन्धान प्रकृया अगाडि बढाएको जिल्ला प्रहरी कार्यालय, स्याङ्जाका डिएसपी नविनकृष्ण भण्डारीले जानकारी दिएका छन् ।

हिमलाल पराजुली