नारायण नगरपालिका-८ ढकाने बस्ने २१ वर्षीय गोबिन्द नेपालीलाई धारिलो हतियार हँसिया प्रहार गरेको अभियोगमा नौमुले गाउँपालिका-२ बस्ने ३२ वर्षीय कर्णबहादुर नेपालीलाई मंगलबार दिउँसो प्रहरीले पक्राउ गरेको छ । वादविवाद हुँदा कर्णबहादुरले गोबिन्दलाई हँसिया प्रहार गरी घाइते बनाएको भन्ने खबर प्राप्त हुनासाथ जिल्ला प्रहरी कार्यालयबाट खटिएको उनलाई पक्राउ गरेको हो । घाइते गोबिन्दलाई उपचारको लागि जिल्ला अस्पताल पठाइएको छ ।   

यस सम्बन्धमा स्थानीय प्रहरीले थप अनुसन्धान गरिरहेको छ ।