2019-08-08
नेत्रविक्रम चन्द (विप्लव) नेतृत्वको प्रतिबन्धित नेकपाका कार्यकर्ता नीलकण्ठ नगरपालिका–७ तारूखर्कका ३८ वर्षीय प्रल्हाद सिंखडालाई घरमा बसिरहेको बेला साउन २३ गते गिरफ्तार गरि हिरासतमा लिएको हो ।
पूर्वजनमुक्ति सेनाका लडाकु सिंखडाको गतिविधि अस्वाभाविक देखिएको र प्रतिबन्धित पार्टीमा लागेको आरोपमा गिरफ्तार गरेको जिल्ला प्रहरी कार्यालयका सूचना अधिकारी भोलामान सिंह अधिकारीले जानकारी दिए ।
प्रतिबन्धित नेकपाले एनसेलको टावरमा आगजनी गरेपछि सिंखडालाई सोही टावर आगजनीको आरोप लगाइएको छ ।
यसैगरी प्रहरीको टोलीले नीलकण्ठ नगरपालिका–३, बीचबजारबाट साउन १७ गते ५० वर्षीय चेरोङ तामाङलाई गिरफ्तार गरेको छ ।
नीलकण्ठ नगरपालिका–८ निवासी तामाङ प्रतिबन्धित नेकपाको रसुवा जिल्ला इन्चार्ज र व्यूरो सदस्य हुन् ।
बिरामी भएर घर आएको बेला तामाङलाई गिरफ्तार गरिएको पीडित पक्षले जनाएको छ । तामाङले आफूले पार्टीमा रहन स्वास्थ्यका कारण नसेकोले सबै जिम्मेवारी छाडेर घर आएको बताएका छन् ।
प्रहरीले गिरफ्तार गरी हिरासतमा लिएकाहरूले प्रतिबन्धित गतिविधि सञ्चालन गरेको आरोप लगाइएको छ ।
प्रहरीले उनीहरूबारे अनुसन्धान भइरहेको र घटनाबारे यसभन्दा बढी जानाकारी दिन नमिल्ने प्रहरीले जनायो ।
उनीहरूलाई प्रहरीले गिरफ्तार गरी हिरासातमा लिएकोमा तत्काल रिहाइको लागि पहल गरिदिन अधिकारकर्मीसमक्ष प्रतिबन्धित नेकपाले साउन २६ गते अपिल गरेको छ ।
अधिकारकर्मीहरूलाई भेटेर प्रतिबन्धित नेकपाकाका कार्यकर्ताले मौखिक रूपमा यस्तो आग्रह गरेका हुन् ।
सीताराम अधिकारी
Violent / Non-violent | Nonviolent |
Primary Form | Arrest (politically significant) |
Primary Cause | Other political issues |
Actor 1 - Number of people | 2 |
Actor 1 - Affiliations | CPN (Chand) and affiliated org |
Actor 1 - Youth | noyouth |
Actor 2 - Number of people | n/a |
Actor 2 - Affiliation (Target) | Government and civil servants at central level |
Actor 2 - Youth | na |