Laba Dev Bhatta
दिपायल सिलगढी नपा-१ का भक्त नेपालीले बहुविवाह गरी आफूलाई अलपत्र पारेको आरोपमा मङ्सिर १२ गते पीडित तुलसी नेपालीले पतिका विरुद्ध जिल्ला प्रहरी कार्यालय डोटीमा उजुरी दिएकी छन् ।
पाँच वर्षपहिले विवाह गरेका भक्त नेपालीले आफू माईती गएको मौका पारी अर्को विवाह गरेकाले पतिलाई कारबाहीका लागि उजुरी दिएको पीडित नेपालीले बताईन् ।
प्रहरीले पीडितले निवेदन दिएलगत्तै आरोपित भक्त नेपालीलाई सोही दिन गिरफ्तार गरी हिरासतमा राखेको जनाएको छ । पीडित महिलाले प्रक्रिया पुर्याएर रितपुर्वकको जाहेरी ल्याएर आएमा घटनाको प्रकृति हेरी मुद्दा दर्ता गरिदिने जिल्ला प्रहरी कार्यालयका अनुसन्धान अधिकृत परशुराम चौधरीले बताए । लवदेव भट्ट