म्याग्दीको रघुगङ्गा गाउँपालिका–८ बस्ने नेत्रविक्रम चन्द (विप्लव) नेतृत्वको नेकपाका कार्यकर्ता २० वर्षीय नवराज बिकलाई प्रहरीले असोज ९ गते राति बागलुङ बजारबाट गिरफ्तार गरेको छ ।

बम बनाउन प्रयोग हुने स्प्रिङ र हतियार सफा गर्न प्रयोग हुने पुलथ्रुसहित बिकलाई राति ११ बजे बागलुङ बजारको श्रीनगर टोल नजिकबाट गिरफ्तार गरिएको जिल्ला प्रहरी कार्यालय, बागलुङका एसपी नवराज भट्टले जानकारी दिए ।

बम बनाउन प्रयोग हुने स्प्रिङ आठ थान, हतियार सफा गर्न प्रयोग हुने पुलथ्रु र तेलमा भिजाएको टल्ली, जनसंयोजक लेखिएको टिसर्ट एक थान र विभिन्न कागजपत्रहरूसहित गिरफ्तार गरिएका बिकलाई हिरासतमा राखेर अनुसन्धान गरिरहेको एसपी भट्टले बताए ।

सिर्जना पन्त