2019-06-29
दुई दिन अघि सम्पर्कविहीन भएका १२ वर्षीय बालक सोमवार बिहान मृत अवस्थामा फेला परेको छ । बारा निजगढ नगरपालिका–१२ कुलिया घर भई हाल सोही नगरपालिका–८ खयरघारीमा डेरा गरी बस्दै आएका शङ्कर घिमिरेका छोरा सविन घिमिरे मृत अवस्थामा फेला परेको निजगढ प्रहरीले जनाएको छ । सविन शनिवार दिउँसो करीब २ः३० बजे साइकल लिएर घरबाट बाहिर निस्केपछि सम्पर्कविहीन भएका थिए । सोही दिन साँझसम्म छोरो सम्पर्कमा नआएपछि खोजी कार्य शुरू गरेको आमा दुर्गा घिमिरेले बताइन् ।
“शनिवारको दिन त्यस्तै २ः१५ बजेको समय थियो । दुबई जानुभएका पति, सविनको बुवाले फोन गर्नुभयो । बुवासँग कुरा गर भनेकी थिएँ । दुई मिनेटभित्र फर्कन्छु ममी, तपाई कुरा गर्दै गर्नु भनेर छोरो सविन साइकल लिएर डेराबाट निस्किएको थियो । फेरि फर्केर आएन”—आमा दुर्गा घिमिरेले गला अवरुद्ध पार्दै भनिन् ।
घरबाट करीब ८ सय मिटरको दूरीमा रहेको बकैया खोलामा उनको शव स्थानीयले देखेंपछि प्रहरीलाई खबर गरेका थिए । उनकी सानी आमा र दाइलगायत आफन्तले सो शव सविनकै भएको यकीन गरेका छन् । “मेरो जस्तै धागोको डोरोको माला घाटीमा लगाएको छ भाइ सविनले”— दाजु सन्देशले भने । माला, कपाल कटाइ लगायत अन्य हुलिया मिलेपछि सो शव सम्पर्कविहीन सविनकै भएको यकीन भएको इलाका प्रहरी कार्यालय, निजगढका प्रहरी निरीक्षक विक्रम लामाको पनि अनुमान छ ।
“शवको प्रकृति हेर्दा पनि निजगढ प्रहरीमा जानकारी आएको सविनसँग मेल खान्छ”—प्रनि लामाले बताए । सो शव आजै पोस्टमार्टमका लागि चन्द्रनिगाहपुर लैजाने निजगढ प्रहरीले जनाएपनि शवको अवस्था शङ्कास्पद देखिएपछि आफन्तले खोलाबाट साँझसम्म शव उठाउन मानेका छैनन् ।
घटनाबारे इप्रका निजगढमा पीडित आफन्तहरूले गहिरो अनुसन्धान गर्न प्रहरीसँग छलफल गरेकोले शव नउठाइएको बुझिएको छ । उनले लगाएका भित्रि वस्त्र कट्टु मात्र फेला परे पनि अन्य कपडा र साइकलको पत्तो अझै लागेको छैन । शवको प्रकृति खोलामा डुबेर मृत्यु भएकोजस्तो नलागेपछि शङ्कास्पद देखिएको घटनास्थल पुगेका आफन्त र केही स्थानीयको अडकल छ ।
पोस्टमार्टम रिपोर्टपछि मात्र घटनाको प्रकृति खुल्न सक्ने बारा प्रहरीको भनाइ छ । उनी निजगढ–८ श्री गौरीशङ्कर मावि कक्षा ७ मा अध्यायन गर्दै थिए । घटनाको अनुसन्धान गर्न जिल्ला प्रहरी कार्यालय बाराको टोली पनि बिहानै घटनास्थल आइपुगेको छ ।
Violent / Non-violent | Violent |
Onesided / Twosided | Onesided |
Collective / Interpersonal | Interpersonal |
Primary Form | Murder/attempted Murder |
Weapons | Unclear |
Primary Cause | Unclear |
Actor 1 - Number of people | n/a |
Actor 1 - Affiliations | Unclear |
Actor 1 - Youth | unknown |
Actor 2 - Number of people | 1 |
Actor 2 - Affiliation (Target) | Citizen/Individuals |
Actor 2 - Youth | noyouth |
Total Killed | 1 |
THE NEPAL PEACE MONITOR ANNUAL REVIEW: 2020
October 25, 2021
Human Trafficking / LGBT+ Rights / GBV / Political / Children’s Rights / Senior Citizens’ Rights / HRD Issues / Human Rights / Interpersonal Violence / Governance / Covid-19 / Civic-Space / PwD
The Nepal Peace Monitor Annual Review: 2019
May 24, 2020
GBV / Political / Dalit / Human Rights / Interpersonal Violence / Governance