2019-11-10
पोखरा घर भएका रामबहादुर नेपालीको व्यास नपा–१२ सिमलस्वारमा रहेको साविक कर्लुङ ८-ङ को कित्ता नम्बर १२ को ३३ रोपनी क्षेत्रफल भएको जग्गा नेत्रविक्रम चन्द (विप्लव) नेतृत्वको प्रतिबन्धित नेकपाका कार्यकर्ताले कात्तिक २४ गते कब्जा गरेका छन् ।
नेकपाको व्यास नगर जनपरिषले कात्तिक २४ गते विज्ञप्ति प्रकाशन गरी उक्त जग्गा कब्जा गरेको जनाएको हो ।
व्यास नपा १२ का धनबहादुर मगरको नाउँमा रहेको जग्गा उनको मृत्युपछि कानुनी रूपमा उनकी पत्नीको नाउँमा गएको १३ वर्ष घि नै अमरसिंह खातीले खरिद गरेको र तयसपछि प्रतापसिंह गुरुङ हुँदै खातीको नामबाट धादिङ जिल्ला घर भई हाल पोखरा बस्दै आएका रामबहादुर नेपालीको नाममा नामसारी भएको उक्त जग्गााको मुल्याङ्कन केही वर्ष अघि नै १ करोड रुपियाँ गरेकोमा हालसम्म उक्त जग्गा बापतको रकम उपलब्ध नगराएको भन्दै तुरुन्त रकम बुझाउन या जग्गा फिर्ता गर्न नेकपाले विज्ञप्तिमा जनाएको छ ।
एक महिना भित्र जग्गा फिर्ता वा पैसा बुझाउन समयसिमा दिँदै नेकपाले उक्त जग्गाको कारोबार पुरा नहुँदासम्म कसैले भोगचलन गर्न या खरिद विक्री नगर्न समेत चेतावनी दिएको छ ।
जनपरिषदका प्रमुख दिक्षीतले जारी गरेको विज्ञप्तिमा उक्त जग्गा खरिद/विक्री गर्नेलाई कडा कारवाही गरिने चेतावनी समेत दिइएको छ ।
कुनै पनि भुमाफिया, दलाल र भ्रष्टहरू तथा जनविरोधी तत्वलाई कारवाहीको दायरामा ल्याउने नेकपाले जनाएको छ ।
जिल्ला प्रहरी कार्यालयका एसपी विनोद सिलवालले जग्गा कब्जा भएको बारेमा केही जानकारी नआएको भन्दै यसबारेमा बुझेर मात्र थप कदम चाल्ने बताए ।
प्रकाशचन्द्र भट्टराई
Violent / Non-violent | Nonviolent |
Onesided / Twosided | Onesided |
Collective / Interpersonal | Collective |
Primary Form | Other forms of non-violent protest |
Weapons | None |
Primary Cause | Access/control of private land |
Actor 1 - Number of people | 5 |
Actor 1 - Affiliations | CPN (Chand) and affiliated org |
Actor 1 - Youth | unknown |
Actor 2 - Number of people | 1 |
Actor 2 - Affiliation (Target) | Citizen/Individuals |
Actor 2 - Youth | noyouth |