2019-12-25
Province 1, Morang, Pathari Shanishchare, Ward 6
मोरङको पथरीशनिश्चरे–६ दोलु शुक्रबारेमा पथरी र बयरवनका युवाहरूबीच बुधबार ग्याङ फाइट भएको थियो । छुट्याउन पुगेका ३० वर्षीय प्रताव राईको घर दोलु शुक्रबारेमा हो । घरेलु हतियारसहित १० वटा मोटरसाइकमा पथरीका युवाहरू दोलु शुक्रबारे आएका थिए । उनीहरू सबैले शरीरमा लुकाएर खुकुरी ल्याएका थिए ।
प्रताव स्थानीय भएकोले युवाहरूको झगडा छुट्याउन पुगेका थिए । उनी त्यहाँ पुगेका मात्र के थिए, ‘तैँ हैनस् ठूलो कुरा गर्ने’ भन्दै प्रतावलाई पथरीका बलिहाङ लिम्बू र याकुप लिम्बूको समूहले खुकुरी प्रहार गरी खेतमा लडाए । ठूलो ज्यान भएका याकुपका साथी प्रतावको पेटमाथि बसे । अन्यले खुकुरी प्रहार गर्न थाले । ‘मलाई आक्रमण गरेको देखेर मेरो भान्जा विकास पनि दौडिएर म भएकोतिर आउँदै थिए । याकुप र बलिहाङको समूहले छुट्याउन आएका भान्जामाथि खुकुरी प्रहार गरी उनको देब्रे पातामा खुकुरी प्रहार गरे ।
भान्जा त्यहीँ ढले’ विराट नर्सिङ होमको पाँचौं तलाको शøयामा उपचाररत रहेका घाइते प्रतावले घटना सुनाउँदै ब्लाष्टसँग भने, ‘भान्जा र ममाथि खुकुरी प्रहार भइरह्यो । मलाई पनि ४–५ जनाको समूहले खेतबारीमा लडाएर खुकुरी प्रहार गरे । म त्यहीँ ढलेँ । त्यसपछि मलाई केही थाहा छैन । धन्न मलाई प्रहार गरेको खुकुरी भुत्ते रहेछ । मेरो भाग्य बलियो भएकोले म बाँच्न सफल भएँ । मलाई पटक–पटक खुकुरी प्रहार गरेका थिए ।’
प्रतावको पेट र ढाडमा खुकुरी प्रहार गरेको गहिरो चोटै–चोट छ । गहिरो चोट लागेको शरीरको विभिन्न भागमा ब्याण्डेज गरिएको छ । घाइते भान्जा विकासको देब्रे पाखुरामा खुकुरी प्रहार गरी नसा काटिएको चिकित्सकले जानकारी दिए । विकासको हात र शरीरका विभिन्न भागमा खुकुरी प्रहार गरेको गहिरो चोट छ । उनीहरू दुवैको उपचार अहिले विराटनगरस्थित विराट नर्सिङ होममा भइरहेको छ ।
खुकुरी हान्ने चारैजना पक्राउ
ग्याङ फाइटमा छुट्याउन पुगेका दुईजना युवालाई खुकुरी प्रहार गरी गम्भीर घाइते बनाउने चारै जनालाई प्रहरीले पक्राउ गरेको छ । इलाका प्रहरी कार्यालय पथरीले चारै जनालाई बिहीबार पक्राउ गरेको हो ।
खुकुरी प्रहार गरी गम्भीर घाइते बनाउने सुनवर्षी नगरपालिका–१ का २५ वर्षीय विनोदबहादुर राई, सोही ठाउँका २६ वर्षीय आकाश थापा, पथरीशनिश्चरे नगरपालिका–६ का २३ वर्षीय बलिहाङ लिम्बू र सोही ठाउँका २६ वर्षीय याकुप लिम्बूलाई इलाका प्रहरी कार्यालय पथरीले पक्राउ गरेको पथरीका डिएसपी दिलिपकुमार गिरीले जानकारी दिए ।
घटनामा संलग्न अन्य फरार छन् । प्रहरीले उनीहरूको पनि खोजी कार्यलाई तीव्र बनाएको डिएसपी गिरीले जानकारी दिए । पक्राउ परेका चारै जनालाई बिहीबार जिल्ला अदालत मोरङमा ज्यान मार्ने उद्योगमा म्याद थप गरी अनुसन्धान भइरहेको इलाका प्रहरी कार्यालय पथरीले जनाएको छ ।
Violent / Non-violent | Violent |
Onesided / Twosided | Onesided |
Collective / Interpersonal | Interpersonal |
Primary Form | Assault (small group) |
Weapons | Sharp weapon |
Primary Cause | Other non-economic personal issues (revenge, passion etc.) |
Actor 1 - Number of people | 4 |
Actor 1 - Affiliations | Citizen/Individuals |
Actor 1 - Youth | youth |
Actor 2 - Number of people | 1 |
Actor 2 - Affiliation (Target) | Citizen/Individuals |
Actor 2 - Youth | unknown |
Total Injured | 1 |
THE NEPAL PEACE MONITOR ANNUAL REVIEW: 2020
October 25, 2021
Human Trafficking / LGBT+ Rights / GBV / Political / Children’s Rights / Senior Citizens’ Rights / HRD Issues / Human Rights / Interpersonal Violence / Governance / Covid-19 / Civic-Space / PwD
The Nepal Peace Monitor Annual Review: 2019
May 24, 2020
GBV / Political / Dalit / Human Rights / Interpersonal Violence / Governance