प्रादेशिक अस्पताल जनकपुरको अगाडी रहेको कल्पना औषधी पसलमा अज्ञात समूहले माघ १७ गते विहान पेट्रोल छर्केर आगजनी गरेको छ ।

प्रादेशिक अस्पताल अगाडी रातभर पसल सञ्चालन हुँदै आएको छ । पंकज साहले सञ्चालन गर्दै आएको उक्त औषधी पसलमा अज्ञात समूहले आगजनी गरेको हो । आगजनीबाट औषधी पसलमा रहेका करिब ९० लाख मूल्य बरावरको औषधी जलेर नष्ट भएको सञ्चालक साहले बताउनु भएको छ ।

पसल सञ्चालक साहले प्रहरीलाई जानकारी गराउनु भएपछि प्रहरीले घटनास्थल पुगेर अनुसन्धान सुरु गरेको छ । राति अज्ञात समूहले पछाडीको झ्यालबाट पेट्रोल छर्केर आगो लगाएको प्रहरीले जनाएको छ ।

आगजनी कसले ? किन गरेको हो ? भन्ने बारे अहिलेसम्म खुल्न नसकेको जिल्ला प्रहरी कार्यालय धनुषाका डिएसपी रामेश्वर कार्कीले जानकारी दिनु भएको छ ।

दिपेन्द्रप्रसाद सिंह