सीमा रक्षाका लागि आन्दोलनरत विद्यार्थी र भारतीय सीमा सुरक्षा बल एसएसबीबीच इलामको सीमावर्ती क्षेत्र सन्दकपुरमा आज ढुंगा हानाहान भएको छ । अनेरास्ववियुको अगुवाईमा भइरहेको जुलुसमा एसएसबीका जवानले नियन्त्रण गर्न खोजेपछि ढुंगा हानाहान भएको हो । एसएसबीले सन्दकपुरको भ्यु-पोइन्ट प्रवेश गर्न नदिएपछि झडप भएको विद्यार्थीहरूले बताएका छन । एसएसबीले भ्यु पोइन्ट प्रवेश नदिनेगरी निषेधित क्षेत्रका लागि राखेको बोर्डसमेत विद्यार्थीले भत्काएर फ्याँकिदिएका छन् । भारतले दशगजा र नेपाली भूमिमा कब्जा जमाएको भन्दै फिर्ताको दबाबका लागि भन्दै विद्यार्थीहरू त्यहाँ पुगेका थिए ।