पुर्व पश्चिम राजमार्ग अन्तर्गत कपिलवस्तुको शिवराज नगरपालिका १ शिवपुर रेन्जर पोष्ट नजिकै अज्ञात समुह द्वारा राखिएको रिमोट कन्ट्रोल बम नेपाली सेनाले डिस्पोज गरेको छ । नारायण दल गोरुसिंगे वाट आएको टोलीले सडकमै राखेको बस्तु रिमोट बम भएको जनाएको हो ।विहान करिव १० वजे वाट पुर्व पश्चिम राजमार्ग अवरुद्ध भएको थियो भने स्थानिय त्रासित भएका थिए । करिब ३ घण्टा पछी बम लाई विस्फोट गराएपछी अवरुद्ध सडक सुचारु भएको थियो । विद्यालय क्षेत्र रहेको हुदा विद्यार्थीमा त्रास फैलिएको थियो । बम कसले राखेको भन्ने बारेमा केहि जानकारी नआएको वडा प्रहरी कार्यलय चन्द्रौटाले जनाएको छ ।