नेत्रविक्रम चन्द (विप्लव) नेतृत्वको प्रतिबन्धित नेपाल कम्युनिष्ट पार्टीका तनहुँ जिल्ला इन्चार्ज बन्दिपुर गाउँपालिका घर भएका ४० वर्षीय पुर्णजित पुन र अखिल क्रान्तिकारीका जिल्ला सदस्य १८ वर्षीय पर्वत सेढाईलाई प्रहरीले ०७६ माघ २८ गते राति १२ बजे म्याग्दे गाउँपालिका–२ जामुनेबाट गिरफ्तार गरेको छ ।

आफ्नो पार्टीले फागुन १ गते मनाउने जनयुद्ध दिवसको प्रचार प्रसारका लागि पोष्टर टाँस्दै गर्दा पुन र सेढाईलाई गिरफ्तार गरिएको जिल्ला प्रहरी कार्यालय तनहुँका एसपी विनोद सिलवालले जानकारी दिनुभयो ।

गिरफ्तार भएका दुबैलाई माघ २९ गते जिल्ला अदालतबाट म्याद थप गरेर अनुसन्धानको लागि हिरासतमा राखिने एसपी सिलवालले बताउनुभयो ।