2020-02-23
पर्साको परवानीपुरमा नेपाली कांग्रेसका एक नेताको घरमा पार्किङ गरेर राखिएका ३ वटा मोटरसाइकलमा अपरिचित समूहले आगजनी गरेको छ। पर्साको वीरगन्ज महमनगरपालिका २१ परवानीपुरका किशोरी ठाकुरको घरको बरण्डामा राखिएका ३ वटा मोटरसाइकलमा आइतबार राती आगजनी गरेको हो ।
आगजनीबाट ना १० प ८५५४, ना ३२ प १८२८ र प्रदेश २- ०- ३००५ प ७८६३ नम्बरको ३ वटै मोटरसाइकल पूर्णरुपमा जलेर नष्ट भएको छ। आगजनीबाट ठाकुरको घरको पर्खालमा समेत क्षति पुगेको छ । आइतबार राती १२ बजेतिर आएका अपरिचित व्याक्तिले घरको बरण्डामा पेट्रोल छर्किएर मोटरसाइकलमा आगो लगाएर फरार भएको घरधनी ठाकुरका भतिजा अभिषेक ठाकुरले बताए ।
परवानीपुरबाट पटेलनगर जाने सडक फराकिलो बनाउने काम ठाकुरकै अगुवाइमा भइरहेको र सडक विस्तारका क्रममा केही दिनअघि स्थानीय केही व्याक्तिसँग विवाद भएकाले त्यसैको रिसबीमा आगजनी गरेको हुनसक्ने आशंका अभिषेकले बताए ।
आगजनी गरेको आशंका प्रहरीले सोमबार ठाकुरका छिमेकी राजाराम यादवले नियन्त्रणमा लिएको छ। सोमबार घटनास्थलमा पुगेकी पर्साकी प्रहरी उपरीक्षक गंगा पन्तले सोधपुछका लागि एकजनालाई नियन्त्रणमा लिएर अनुसन्धान गरिरहेको बताइन्।
Update
------------
आगजनीको अभियोगमा मण्डल पक्राउ
आगजनी गरेको अभियोगमा जिल्ला प्रहरी कार्यालय पर्साले एकजनालाई पक्राउ गरेको छ ।
पक्राउ पर्नेमा वीरगंज–२१ परवानीपुर पटेलनगर निवासी गाँधी मण्डल भन्ने रवीन्द्र मण्डल रहेका छन् ।
मण्डलमाथि सोही स्थान निवासी किशोरी ठाकुरको घरमा आगजनी गरेको आरोप छ । होलीभन्दा केही दिन पहिले ठाकुरको घरको बरन्डामा राखिएका तीनवटा मोटरसाइकलमा रातिको समयमा आगजनी भएको थियो । सो आगजनीमा तीनवटै मोटरसाइकल जलेर नष्ट भएको थियो भने ठाकुरको घरमा समेत क्षति पुगेको थियो ।
घटना सम्बन्धमा प्रहरीले सोही दिनदेखि अनुसन्धान थालेको थियो । पक्राउ परेका मण्डल र घरधनी ठाकुरबीच आपसी विवाद रहेको छ । सोही विवादका कारण आगजगी गरेको मण्डलले स्वीकार गरेको प्रहरीले जनाएको छ ।
मण्डलमाथि आपराधिक गतिविधि शीर्षकमा मुद्दा दर्ता गरी थप अनुसन्धान भइरहेको पर्साकी प्रहरी उपरीक्षक गङ्गा पन्तले बताएकी छन् ।
Violent / Non-violent | Violent |
Onesided / Twosided | Onesided |
Collective / Interpersonal | Interpersonal |
Primary Form | Arson |
Weapons | Fire |
Primary Cause | Other non-economic personal issues (revenge, passion etc.) |
Actor 1 - Number of people | 1 |
Actor 1 - Affiliations | Citizen/Individuals |
Actor 1 - Youth | unknown |
Actor 2 - Number of people | 1 |
Actor 2 - Affiliation (Target) | Nepali Congress and affiliated org |
Actor 2 - Youth | na |
Total damaged Buildings | 1 |
Totally damaged Vehicles | 3 |
Severely damaged Vehicles | 3 |