नारायण नगरपालिका–७ बिजौराका ७ वर्षीय बालक दशरथ पराजुलीलाई उनका बुबा भक्तिराम पराजुलीले जेठ ९ गते कुटपिट गर्दा देब्रे हात भाँचिएको प्रहरीले जनाएको छ ।

अब उप्रान्त कुटपिट नगर्ने भनी जेठ ११ गते प्रहरीमा कागज गराएर छोडिएको जिल्ला प्रहरी कार्यालय दैलेखका सूचना अधिकारी इन्स्पेक्टर नैनबहादुर सावदले जानकारी दिनुभयो । अभिभावकलाई थुनाएर पीडित पक्षले कारवाही गराउन नचाहेको कारण मिलापत्र गराइएको सावदले बताउनुभयो ।

प्रहरीका अनुसार अत्याधिक मदिरा सेवन गरी घर आएको बखत बालकले ढोका लगाएर तपाईं भित्र नपस्नुस् भनेपछि बालकलाई भक्तिरामले कुटपिट गरेका थिए । बालकको टाउको र पेटमा चोट लागेको छ भने स्वास्थ्य परीक्षण र उपचार दैलेख जिल्ला अस्पतालमा भएको छ ।

अमर सुनार