१६ जेठ, काठमाडौं । लिम्पियाधुरालगायत भूमि फिर्ता र एमसीसी सम्झौता खारेजीको माग गर्दै विद्यार्थीहरूले राजधानीमा प्रदर्शन गरेका छन् ।

विद्यार्थी संगठन अखिल क्रान्तिकारीले लकडाउनकै बीच शुक्रबार दिउँसो माइतीघर मण्डलामा प्रदर्शन गरेको हो ।

विद्यार्थीहरूले ‘लिम्पियाधुरा, कालापानी, लिपुलेक हाम्रो हो’, ‘एमसीसी सम्झौता खारेज गर’लगायत प्लेकार्ड बोकेर नाराबाजी गरेका थिए ।

नेपालले पछिल्लो समय लिम्पियाधुरा, लिपुलेक, कालापानीलगायत क्षेत्र समेटेर नयाँ नक्सा सार्वजनिक गरेको छ । नयाँ नक्सा सार्वजनिकपछि उक्त भूमि फिर्ताका लागि सरोकारवालाहरूले सरकारलाई दबाव दिँदै आइरहेका छन् ।