2020-06-15
Sudurpashchim, Kanchanpur, Beldandi, Ward 5
नेपाल–भारत सीमा क्षेत्र बेलडाँडी गाउँपालिका– ५ झिलमिलाफाँटामा भैँसी चराइरहेका देवीलाल उपाध्याय र तेजबहादुर रोकायाको भैँसी भारतीय नागरिकले खोसेर लगेका छन् ।
सरदार समुदायका भारतीय नागरिकले भैँसी बाँध्ने डोरी र पगडी खोलेर उपाध्यायको हातखुट्टा बाँधेर भैँसी लगेका पीडितको भनाइ छ । उनीहरूले भारतमा भैँसी चराउन ल्याएको भन्दै वृद्धमाथि कुटपिट गरेका थिए । तर, उनीहरूले नेपाली भूमिमै भैँसी चराएका थिए । आफ्ना तीन र छिमेकीका दुईवटा भैँसी भारतीय नागरिकले लगेको उपाध्यायले बताए । भैँसी चराएर सोमबार साँझ घर फर्कने क्रममा तीन-चारजना भारतीय नागरिक आएर भैँसी लगेको उनले बताए । उनले भने, ‘हातमा डोरी थियो, त्यही डोरी खोसेर हातखुट्टा बाँधेर मलाई खोलामा फालिदिए । बुढो मान्छे हो, रातभरमा मरिहाल्छ भन्दै भैँसी लगे ।’ बाँधिएको हातखुट्टा आफैँले खोलेर घर आएको उनले बताए । उनले भने, ‘स्थानीय अस्पतालमा उपचारपछि घरमै छु । उनीहरूले लगेकामध्ये दुईवटा भैँसी ब्याउने थिए । लाखौँका भैँसी लगे, भाग्यले बाँचेँ ।’
साँझ भैँसीविनै घर पुगेपछि घटना सार्वजनिक भएको थियो । स्थानीयले दोषी पहिचान गरेर कारबाहीको माग गरेका छन् । बेलडाँडी गाउँपालिका– ४ र ५ झिलमिला, वैवाह क्षेत्रका स्थानीय झिलमिलाफाँटामा वस्तुभाउ चराउन जान्छन् । यो नेपाली भूमिमा पहिल्यैदेखि किसानहरूले वस्तुभाउ चराउने, घाँस काट्ने गर्दै आएका छन् ।
घटनाबारे बेलडाँडी सीमा क्षेत्रमा खटिएको सशस्त्र प्रहरीले भारतीय सशस्त्र सीमा सुरक्षा बल (एसएसबी)लाई अवगत गराएको जनाएको छ । सशस्त्र प्रहरी बल बेलडाँडी बिओपीका इन्चार्ज योगेन्द्र भण्डारीले एसएसबीसँग घटनाबारे छलफल गरेर संलग्नहरूको खोजी भइरहेको बताए । उनले भने, ‘यस घटनाबारे भारतीय सुरक्षाकर्मीसमेत चिन्तित छन्, उहाँहरूलाई घटनाका दोषी खोज्न र नेपाली किसानका भैँसी फिर्ता गर्न दबाब दिएका छौँ ।’
Violent / Non-violent | Violent |
Onesided / Twosided | Onesided |
Collective / Interpersonal | Interpersonal |
Primary Form | Assault (small group) |
Weapons | None |
Primary Cause | Other types of criminal activity |
Actor 1 - Number of people | 3 |
Actor 1 - Affiliations | Citizen/Individuals |
Actor 1 - Youth | unknown |
Actor 2 - Number of people | 1 |
Actor 2 - Affiliation (Target) | Citizen/Individuals |
Actor 2 - Youth | unknown |
Total Killed | 00 |
Total Injured | 1 |
THE NEPAL PEACE MONITOR ANNUAL REVIEW: 2020
October 25, 2021
Human Trafficking / LGBT+ Rights / GBV / Political / Children’s Rights / Senior Citizens’ Rights / HRD Issues / Human Rights / Interpersonal Violence / Governance / Covid-19 / Civic-Space / PwD
The Nepal Peace Monitor Annual Review: 2019
May 24, 2020
GBV / Political / Dalit / Human Rights / Interpersonal Violence / Governance