2020-06-26
Province 1, Morang, Biratnagar, Ward 5
मध्यरातमा छिमेकीलाई छुरा प्रहार गरी घाइते बनाएको आरोपमा प्रहरीले विराटनगरका तीन जनालाई पक्राउ गरेको छ । शुक्रबार राति करिब १० बजेतिर भएको छुरा प्रहारको घटनामा संलग्न विराटनगर–५ कोचाखालका एउटै परिवारका तीन जना दाजुभाइलाई प्रहरीले पक्राउ गरेको जनाएको छ । पक्राउ परेका तीन जना दाजुभाइ मिलेर राति छिमेकी ३३ वर्षीय सन्तोष कामतलाई छुरा प्रहार गरेको प्रहरीले जनाएको छ ।
छुरा प्रहारबाट गम्भीर घाइते भएका कामतको पेट र देब्रे हातमा गहिरो चोट लागेको र विराटनगरस्थित विराट नर्सिङ होममा उपचार भइरहेको हुँदा खतरामुक्त रहेको प्रहरीले जनाएको छ । कामतलाई छिमेकीहरू १९ वर्षीय सुरज, २८ वर्षीय गोविन र ३८ वर्षीय लालबाबु राय मिलेर छुरा प्रहार गरेको डिएसपी वेदप्रसाद गौतमले बताए । तीनै जना एकै परिवारका दाजुभाइ हुन् । छुरा प्रहारपछि फरार रहेका तीनै जनालाई शनिबार बिहान विराटनगरको छुट्टछुट्टै स्थानबाट पक्राउ गरेको गौतमले बताए ।
लगातारको वर्षाले विराटनगरको कोचाखाल क्षेत्र डुबानमा पर्ने अवस्था आएको थियो । बस्ती डुबानमा पर्न लागेको खबरसँगै महानगरपालिका कार्यालयले जाम भएको नाला खुलाउन डोजर पठाएको थियो । डोजरले जाम भएको नाला खुलाउने क्रममा राय परिवारको घर अगाडि खन्न थालेपछि विवाद सुरु भएको पाइएको प्रहरीले जनाएको छ ।
डोजर बोलाएर आफ्नो घर अगाडि खन्न लगाएको भन्दै पक्राउ परेका दाजुभाइ मिलेर कामतलाई छुरा प्रहार गरेको प्रहरीको प्रारम्भिक अनुसन्धानबाट खुलेको जनाएको छ ।
Violent / Non-violent | Violent |
Onesided / Twosided | Onesided |
Collective / Interpersonal | Interpersonal |
Primary Form | Assault (small group) |
Weapons | Sharp weapon |
Primary Cause | Other non-economic personal issues (revenge, passion etc.) |
Actor 1 - Number of people | 3 |
Actor 1 - Affiliations | Citizen/Individuals |
Actor 1 - Youth | youth |
Actor 2 - Number of people | 1 |
Actor 2 - Affiliation (Target) | Citizen/Individuals |
Actor 2 - Youth | noyouth |
Total Injured | 1 |
THE NEPAL PEACE MONITOR ANNUAL REVIEW: 2020
October 25, 2021
Human Trafficking / LGBT+ Rights / GBV / Political / Children’s Rights / Senior Citizens’ Rights / HRD Issues / Human Rights / Interpersonal Violence / Governance / Covid-19 / Civic-Space / PwD
The Nepal Peace Monitor Annual Review: 2019
May 24, 2020
GBV / Political / Dalit / Human Rights / Interpersonal Violence / Governance