वीरगञ्ज, २१ असाेज । पर्सामा हत्या गरी फालेको अवस्थामा एक पुरुषको शव फेला परेको छ ।  मंगलबार अपरान्ह पर्साको जगरनाथपुर गाउँपालिका-२ दसैतामा गण्डक नहरमा बग्दै आएको अन्दाजी ३५–३६ वर्षीय पुरुषको शव फेला परेको छ ।

जगरनाथ पुर गाउँपालिका २ दसैंतास्थित गण्डक नहरमा हत्या गरी बोरामा हालेर बाँधेको अवस्थामा पुरुषको शव फेला परेको प्रहरी प्रवक्ता कुँवरले बताए ।

गण्डक नहर भारतबाट नेपाल प्रवेश गर्ने नाका नजिकै दशगजा क्षेत्रभन्दा २ सय मिटर नेपालतर्फ शव फेला परेको र मृतक भारतीय नागरिक हुनसक्ने आशंका प्रहरीले गरेको छ ।

मृतकको शव पोष्टमार्टमका लागि नारायणी अस्पतालमा पठाइएको प्रहरीले जनाएको छ । महिला र पुरुषको हत्याको प्रकृति एकै किसिमको भएको र घटनाको बारेमा थप अनुसन्धान भइरहेको पर्सा प्रहरीले जनाएको छ ।