नुवाकोट, लिखु गाउँपालिका-१ लिखु पुलस्थित सडकमा सोही ठाउँ बस्ने ४५ बर्षीय पुरुषलाई कुटपिट गरेको अभियोगमा बा.२ ख २३८६ नम्बरको बसका सहचालक ओखलढुङ्गा सिम्ले घर भएका २३ वर्षीय जिबन बस्नेतलाई मंगलबार दिउँसो प्रहरीले पक्राउ गरेको छ । बस्नेतले ती पुरुषलाई कुटपिट गर्दा घाइते भएको भन्ने खबर प्राप्त हुनासाथ ईलाका प्रहरी कार्यालय ढिकुरेबाट खटिएको प्रहरीले कुटपिटमा संल्न बस्नेतलाई पक्राउ गरेको हो । घाइतेलाई उपचारका लागि जिल्ला अस्पताल त्रिशुलीतर्फ  पठाइएको छ । यस सम्बन्धमा स्थानीय प्रहरीले थप अनुसन्धान गरिरहेको छ ।