Ananda Dahal
सिन्धुली । ०७१ जेठ २१ गते
जलकन्या गाविस-७ का २० वर्षीय नेत्रकुमार देवकोटा एक १० वर्षीया बालिकालाई बलात्कार गरेको आरोपमा जेठ २१ गते पुर्पक्षको लागि थुनामा गएका छन् । सिन्धुली जिल्ला अदालतका न्यायाधीश देवेन्द्र पौडेलको एकल इजलासले आरोपितलाई पुर्पक्षकोलागि थुनामा राख्ने आदेश दिएपछि उनीहरु जेल गएका हुन् ।
आरोपितले स्थानीय एक बालिकालाई वैशाख १८ गते साँझ आफ्नै घरको कोठामा लगि बलात्कार गरेको आरोपमा जेठ ९ गते प्रहरीले गिरफ्तार गरी हिरासतमा राखेको थियो ।
बलात्कार गरी आरोपित काठमाडौँ तिर भागेपछि आफू काठमाडौँमा गएर खोजि गरेको र ललितपुरमा बसेको जानकारी पाएपछि महानगरिय प्रहरी परिसर ललितपुरमा उजुरी गरेको पीडितका बुबाले बताए ।
आरोपितलाई महानगरिय प्रहरी परिसर ललितपुरले गिरफ्तार गरी जेठ ९ गते नै सिन्धुली पठाइदिएको जिल्ला प्रहरी कार्यालय सिन्धुलीले जनायो ।
पीडित बालिकाको जेठ ९ गते ललितपुरको पाटन अस्पतालमा स्वास्थ परीक्षण गरिएको थियो ।
आनन्द दाहाल