राजविराज — प्रतिनिधिसभा विघटनको विरोधमा जनता समाजवादी पार्टी सप्तरीले बुधबार राजविराजमा प्रदर्शन गरेको छ । स्थानीय शिव मन्दिरको प्राङ्गणबाट निस्केको जासपाको जुलुस राजविराजका विभिन्न भागको परिक्रमा गरेको थियो । प्रदर्शनमा सहभागीहरूले प्रधानमन्त्री केपी शर्मा ओलीकाविरुद्ध चर्को नाराबाजी गरेका थिए ।

उनीहरूले प्रधानमन्त्री ओलीले अलोकतान्त्रिक चरित्र देखाएको तथा जनताको निर्वाचित संसद्लाई जबर्जस्ती विगठन गरेको आरोप लगाए । प्रदर्शनपछि राजविराजको नेता चोकमा आयोजित कोणसभामा जासपाका केन्द्रीय कार्यकारिणी समिति सदस्यद्वय मृगेन्द्रकुमार सिंह यादव र रेणु यादव, राजविराज नगरपालिकाका प्रमुख शम्भू यादव, केन्द्रीय सदस्य अमरकान्त झा, विश्वेश्वर रजक, नेताहरु विकास तिवारी, रामप्रित यादव, मीरा यादव, शिवम् यादव र शम्भु कुमार यादवलगायतका वक्ताहरूले बोलेका थिए ।