2021-01-31
Province 1, Jhapa, Kankai, Ward 6
न्युज अफ नेपाल, भद्रपुर ।
अध्यापन अनुमति नपाएका विद्यालयका सहायक कर्मचारीको कुटाइबाट विद्यार्थीको ज्यान गएको छ । झापाको कन्काई ६ चम्पापुर माध्यामिक विद्यालयमा अध्ययनरत् एक विद्यार्थीको सहायक कर्मचारी (खरिदार)मा कार्यरत कर्मचारीले दिएको सजायका कारण मृत्यु भएको परिवारले आरोप लगाएका छन् ।
कन्काई ६ चम्पापुरका १० बर्षिय कृष्ण प्रसाद राजवंशीको स्थानीय खरिदार रबिन मगरले कान मोलकै कारण घाईते भएका बालकको ११ दिनमा उपचारको क्रममा मृत्यु भएको मृतकका ठुलोवुवा सञ्जय राजवंशीले आरोप लगाउँनुभएको छ । कक्षा ४ मा अध्ययनरत बालकलाइ माघ १८ गते अङ्ग्रेजी पढाउँदा नजानेपछि कान मोलेर गालामा झापड हानेको कक्षामा अध्यनरत विद्यार्थीको भनाइ छ ।
वद्यालयको लापारबाही र समयमा उचित उपचार नपाएर बालकको अकालमा ज्यान गएको सञ्जयको दाबी छ । कर्मचारीको कुटाइपछि स्थानीय कामेश मेडिकलबाट सामान्य उपचार पछि घर लगेपनि दिनदिनै कान सुन्निन थालेपछि साथिलाई सोध्दा रविन सरले कान मोलेर यस्तो भएको बताएको उहाँले सुनाउँनुभयो । थप उपचारका लागि विर्ता सिटी हस्पिटल लगियो । त्यहाँ उपचार सम्भब नभएपछि बि एण्ड सी पुर्याइयो ।
त्यहाँ ६ दिन राख्दा पनि उपचार हुन सकेन । बच्चालाई नोबेल अस्पताल रेफर गर्नु पर्ने खबर बि एण्ड सीले दियो । पैसाको अभाबले गर्दा परिवारजनले स्कुलमा बैठक बस्दैछौ सहमति भएको छैन जस्ता कुरा विद्यालयका प्रिन्सीपल विष्णु प्रसाद कोईरालाले जानकारी गराएको उहाँले घट्ना सुनाउँनुभयो । वैठकपश्चात् स्कुलबाट सङ्कलित तत्काललाइ ५० हजार नगद प्राप्त हुनसाथ बालकलाई २८ गतेका दिन नोबेल अस्पताल रेफर गरियो ।
अस्पतालमा भर्ना भएका बालकलाई आईसोलेसन बेड खालि नभएपछि साधारण बेडमा अक्सिजन दिदैँ राखेको आधा घण्टा पछि मृत्यु भएको स्थानीय छिमेकी कृष्ण पौडेलले बताउँनुभयो । शिक्षकको अधिकार नपाएका मगरलाइ विद्यार्थी पढाउने कस्ले अनुमति दियो भन्दै मृतकका दाजु सन्दीप राजवंशीले बताउँनुभयो ।
मगरलाइ कडा कारबाही गरिनु पर्ने उहाँको माग छ । शुक्रबार विद्यालयलाइ विपक्षी वनाएर किटानी जाहेरी दिने उहाँले जानकारी दिनुभयो । हाल बालकको पोष्टमार्टम भएपनि शव नबुझ्ने उहाँको भनाइ छ । बिद्यालयका प्रधानाध्यापक बिष्णु प्रसाद कोईरालाका अनुसार शिक्षकले सामान्य कान मोले पनि बालकको पुरानै बिरामी निमोनियाका कारण मृत्यु भएको जानकारी दिनुभयो ।
विषयगत शिक्षक नभएको समयमा कर्मचारी मगरले कक्षा लिएको उहाँको भनाइ छ । बालकलाई पोष्टमार्टमका लागि विर्तामोडमा राखिएको छ । हाल मगरलाई ईलाका प्रहरी कार्यालय बिर्तामोडको नियन्त्रणमा रहेको प्रहरीले जनाएको छ ।
Violent / Non-violent | Violent |
Onesided / Twosided | Onesided |
Collective / Interpersonal | Interpersonal |
Primary Form | Assault (small group) |
Weapons | Other |
Primary Cause | Violence in school/university (violence by teachers, hazing, etc.) |
Actor 1 - Number of people | 1 |
Actor 1 - Affiliations | Education sector/teachers (private and public) |
Actor 1 - Youth | na |
Actor 2 - Number of people | 1 |
Actor 2 - Affiliation (Target) | Students |
Actor 2 - Youth | youth |
Total Killed | 1 |
Youth Killed | 1 |
THE NEPAL PEACE MONITOR ANNUAL REVIEW: 2020
October 25, 2021
Human Trafficking / LGBT+ Rights / GBV / Political / Children’s Rights / Senior Citizens’ Rights / HRD Issues / Human Rights / Interpersonal Violence / Governance / Covid-19 / Civic-Space / PwD
The Nepal Peace Monitor Annual Review: 2019
May 24, 2020
GBV / Political / Dalit / Human Rights / Interpersonal Violence / Governance