स्याङ्जा ।

हरिनास गाउँपालिका ५ का जीवन आले कान्छी आमाको घरमा आगो लगाएको आरोपमा पक्राउ परेका छन् ।३६ वर्षीय आलेमाथि आफ्नी कान्छी आमा ५५ वर्षीया उमा आलेको खरले छाएको घरमा आगो लगाएको आरोप छ। आगलागीमा घरसँगगै खरले छाएको धन्सार पनि जलेको छ ।

धन्सारमा थुनिएका ३ वटा बाख्रा, एउटा बंगुर र १० वटा कुखुरा जलेर मरेका छन् भने १ भैसी र बाख्रा घाइते भएको प्रहरीले जनाएको छ।आरोपित आलेलाई नियन्त्रणमा लिई उपद्रवसम्बन्धी कसूरमा मुद्दा दर्ता गरिएको प्रहरी नायब उपरीक्षक राजेन्द्रप्रसाद अधिकारीले जानकारी दिए।