2021-05-21
Province 1, Morang, Sundarharaicha, Ward 3
विराटनगर / मोरङको सुन्दरहरैँचा नगरपालिका–३ लोचनीमा सुतेकै ओछ्यानमा एक पुरुषको बीभत्स हत्या भएको छ ।सुतेका बेला धारिलो हतियारले प्रहार गरेर हत्या गरिएको अवस्थामा सुन्दरहरैँचा –३ का ४० वर्षीय विष्णु ऋषिदेवको शव आज (शुक्रबार) बिहान फेला परेको हो । मोरङ प्रहरीका प्रवक्ता डिएसपी मानबहादुर राईका अनुसार घाँटीमा धारिलो हतियारले प्रहार गरेर हत्या गरिएको आशङ्का छ ।
उनका अनुसार हत्या भएको खवर प्राप्त गरेर प्रहरी घटनास्थल पुग्दा घरभित्र खाटमा लडिरहेको शव भेटिएको हो । पूरै शरीर कपडाविहीन रहेका मृतकले कम्मरमुनि कट्टु भने लगाएका छन् । राईले घटनास्थल रगताम्य रहेको जानकारी दिए । घटनाको प्रकृति हेर्दा निदाएका बेला कुनै धारिलो हतियारले घाँटीको अगाडिको भागका काटेर हत्या गरिएजस्तो देखिने राईको भनाइ छ ।
घटनाको यथार्थ अनुसन्धानपछि खुल्दै जाने उनले बताए । गछिया खोला छेउको ऐलानी जग्गामा टिनको छानो भएको र टाटीको बेरा लगाएर बनाइएको झुप्रो घरमा विष्णु एक्लै बस्थे । उनकी श्रीमतीको मृत्यु भइसकेको र छोराछोरी पनि घरभन्दा बाहिर नै बस्ने गरेको पाइएको प्रहरीले जनाएको छ ।
ज्यालामजदुरी गरेर जीविका चलाउँदै आएका विष्णु दैनिक बिहानै उठेर काममा जाने गरेका थिए । ढिलोसम्म पनि उनी काममा ननिस्किएपछि बोलाउन गएका साथीहरुले घरभित्रै खाटमा लगाएको ओछ्यानमा हत्या गरिएको अवस्थामा शव देखेर प्रहरीलाई खवर गरेको जानकारी डिएसपी राईले दिए ।
घटनाका बारेमा बिहान ७ बजेतिर जानकारी पाएको प्रहरीले अहिलेसम्म हत्यामा संलग्नको पहिचान खुल्न नसकेको बताएको छ । राईले घटनामा संलग्नको पहिचानको प्रयास भइरहेको र गम्भीर ढङ्गले अनुसन्धान अघि बढाइएको जानकारी दिए । उनका अनुसार घटनास्थलमा हत्यामा प्रयोग गरिएको कुनै हतियार फेला परेको छैन ।
‘घटनामा संलग्नको पहिचान हुन सकिरहेको छैन,’ डिएसपी राईले भने, ‘हत्या गर्नुपर्ने कारण पनि खुल्न बाँकी छ ।’ गम्भीर ढङ्गले अनुसन्धान थालिएका कारण घटनाको वास्तविकता चाँडै पत्ता लाग्ने उनको भनाइ छ ।
Violent / Non-violent | Violent |
Onesided / Twosided | Onesided |
Collective / Interpersonal | Interpersonal |
Primary Form | Murder/attempted Murder |
Weapons | Sharp weapon |
Primary Cause | Unclear |
Actor 1 - Number of people | n/a |
Actor 1 - Affiliations | Unclear |
Actor 1 - Youth | na |
Actor 2 - Number of people | 1 |
Actor 2 - Affiliation (Target) | Citizen/Individuals |
Actor 2 - Youth | noyouth |
Total Killed | 1 |
THE NEPAL PEACE MONITOR ANNUAL REVIEW: 2020
October 25, 2021
Human Trafficking / LGBT+ Rights / GBV / Political / Children’s Rights / Senior Citizens’ Rights / HRD Issues / Human Rights / Interpersonal Violence / Governance / Covid-19 / Civic-Space / PwD
The Nepal Peace Monitor Annual Review: 2019
May 24, 2020
GBV / Political / Dalit / Human Rights / Interpersonal Violence / Governance