काठमाडौंको गोकर्णेश्वर नगरपालिका–८ माकलबारीमा एक पुरुषको कुटपिटबाट मृत्यु भएको हो।प्रहरीका अनुसार गोकर्णेश्वरमा वडा नम्बर १ सुन्दरीजल घर भएका ४२ वर्षीय राजु परियारको बुधबार साँझ मृत्यु भएको प्रहरीले जानकारी दिएको छ। गोकर्णेश्‍वर नगरपालिका–८ बाग्मती करिडोर सडकमा खोटाङ घर बताउने २५ वर्षीय सुनील राईले कुटपिट गर्दा राजु गम्भीर घाइते भएका थिए।

प्रहरीले घाइतेलाई उपचारको लागि शंखरापुर अस्पताल नारायणटार पठाएकोमा उनको उपचारको क्रममा बुधबार नै मृत्यु भएको हो। कुटपिटमा संलग्न सुनीललाई नियन्त्रणमा लिएको प्रहरीले जनाएको छ। घटनाका सम्बन्धमा प्रहरीले थप अनुसन्धान गरिरहेको छ।