धनकुटा — पाख्रिबास नगरसभाका क्रममा भएको तोडफोडको घटनामा प्रहरीले झूटा मुद्दा दर्ता गरेको भन्दै धर्ना दिइएको छ । नेकपा एमाले पक्षका मेयर बिर्खबहादुर राईले प्रहरीलाई दबाब दिएर विपक्षी गठबन्धनका नेता/कार्यकर्तालाई झूटा मुद्दा दर्ता गरेको गठबन्धन पक्षको आरोप छ ।

कांग्रेस, नेकपा माओवादी, नेकपा एमाले (माधव नेपाल समूह) का १५ जनाविरुद्ध अभद्र व्यवहारमा प्रहरीमा उजुरी परेको छ । झूटा मुद्दा खारेजीको माग गर्दै धर्ना दिइएको कांग्रेस जिल्ला सभापति अग्निप्रसाद पौडेलले बताए ।

धर्नापछि निमित्त प्रमुख जिल्ला अधिकारी रामनारायण श्रेष्ठलाई मुद्दा फिर्ता गर्न माग गरिएको हो । पाख्रिबास नगरपालिकामा असार १० गते नगरसभाका क्रममा भएको घटनामा संलग्न १५ विरुद्ध अभद्र व्यवहारमा उजुरी दर्ता गरिएको छ ।