काठमाडौँ– राजधानीको जडिबुटीमा विद्यार्थीहरुले सरकारविरुद्ध प्रदर्शन गरेका छन्। नेपाल विद्यार्थी संघ निकट कोटेश्वर क्याम्पसका विद्यार्थीहरुले सरकारविरुद्ध प्रदर्शन गरेका हुन्।उनीहरुले प्रधानमन्त्री केपी शर्मा ओलीविरुद्ध नारावाजीसमेत गरेका छन्। प्रदर्शनकारीहरुले मसाल जुलुस निकाल्नुका साथै प्रधानमन्त्री ओलीको पुतलासमेत जलाएका छन्। त्यसक्रममा उनीहरुको प्रदर्शनमा प्रहरीले हस्तक्षेपसमेत गरेको थियो।

प्रदर्शनका कारण केहीबेर सडक अवरुद्धसमेत भएको थियो।प्रधानमन्त्री ओलीले प्रतिनिधिसभा विघटन गरेको विरोधमा विपक्षी गठबन्धन निकट विद्यार्थी संगठनहरुले सरकारविरुद्ध निरन्तर प्रदर्शन गर्दै आएका छन्।