म्याग्दीका प्रमुख जिल्ला अधिकारी गणेशबहादुर अधिकारीले समाचार संकलनका लागि जिल्ला प्रशासन कार्यालयमा पुगेका पत्रकारहरुमाथि आइतबार दुर्व्यवहार गरेका छन्। द्वन्द्व पीडित अधिकार समाज म्याग्दीको ज्ञापनपत्र बुझाउने कार्यक्रमको समाचार संकलनका लागि प्रशासनमा पुगेका पत्रकार साधन राम्जाली र धिरनबहादुर खत्रीलाई समाचार, तस्बिर र दृष्य संकलन गर्न रोक लगाएर प्रजिअले कार्यकक्षबाट निकालेका हुन्। दृष्य र तस्बिर खिच्न रोक लगाई, धम्कीपूर्ण भाषा प्रयोग र दुर्व्यवहार गर्दै कार्यकक्षबाट निकालिएको पत्रकार राम्जालीले बताए।

सत्यनिरुपण तथा मेलमिलाप र बेपत्ता छानबिन आयोग मार्फत द्वन्द्व पीडितका समस्या समाधान तथा माग सुनुवाईका लागि द्वन्द्व पीडित अधिकार समाज म्याग्दीका सचिब सुरेन्द्र केसीको नेतृत्वमा ज्ञापनपत्र बुझाउन गएका थिए। प्रजिअले समाचार संकलनका लागि गरेको अवरोध र पत्रकारहरुलाई गरेको दुर्व्यवहारको नेपाल पत्रकार महासंघ म्याग्दी शाखाले भत्सर्ना र निन्दा गरेको छ।शाखा सचिब सन्तोष गौतमको हस्ताक्षरमा जारी भएको विज्ञप्तिमा प्रमुख जिल्ला अधिकारीबाट भएको गैरजिम्मेवारपूर्ण ब्यवहार तथा कार्यशैली सच्चाउन माग गरिएको छ।

प्रजिअ अधिकारीले भने पत्रकारलाई नचिनेर युट्युबर ठानेर अनुमति मागेर तस्बिर खिच्न अनुरोध गरेको प्रतिक्रिया दिएका छन्। प्रजिअ अधिकारीले संस्थागत परिचय नै दिँदा समेत आफ्नो अनुमति विना कार्यकक्षमै प्रवेश गर्न समेत नपाउने बताएका छन्।

     सम्पादकत्वमा) काठमाडौँ, विराटनगर, नेपालगञ्ज, पोखरा र बुटवलबाट एक साथ प्रकाशन गर्दै आएको छ।