सप्तरी । ०७१ साउन १४ गते
टिकुलिया गाविस-८ की ४३ वर्षीया साम्भादेवी यादवले जेठाजु ५० वर्षीय लक्ष्मी यादव, उनका छोराहरू २५ वर्षीय रामचन्द्र यादव र २३ वर्षीय श्याम यादव तथा अर्का जेठाजु ४५ वर्षीय मोहित नारायण यादव र उनका छोरा २२ वर्षीय युगलकिशोर यादवविरुद्ध साउन १४ गते अदालतमा उजुरी दिएकी छन् ।
सामान्य घरायासी विवादमा आरोपितहरूले असार ३० गते खुकुरी र लाठीले कुटपिट गरी घाइते बनाएकोले आरोपितहरूमाथि कारबाहीको माग गर्दै जिल्ला अदालतमा कुटपिट मुद्दामा उजुरी दिएको जिल्ला अदालतले जनाएको छ ।
पीडितको राजविराज नपा-३ स्थित अञ्चल अस्पतालमा उपचार भइरहेको छ । पीडितको असार ३२ गते अस्पतालमा घाउँजाँच भएको थियो ।
पीडितले आरोपितहरूमाथि कारबाहीको माग गर्दै जिल्ला प्रहरी कार्यालयमा असार ३१ गते उजुरी दिएपनि कुनै कारवाही नभएपछि अदालतमा मुद्दा दायर गरेको बताइन् ।
पीडित नाबालक छोराछोरीसँग घरमा बस्दै आएकी छन् भने उनका पति मुक्तिलाल यादव चार वर्षेखि वैदेशिक रोजगारका लागि कतारमा छन् ।