दीपज्योती आधारभूत विद्यालय घोरानेटीका प्रधानाध्यापक तुलसीपुर उप–महानगरपालिका–४ का ५३ वर्षीय टोपबहादुर केसीलाई कुटपिट गरेको आरोपमा प्रहरीले  तुलसीपुर उमनपा–४ का २१ वर्षीय टोपबहादुर पुन र १९ वर्षीय शंकर डाँगीलाई असोज १८ गते गिरफ्तार गरेको छ ।पीडित केसी कामको सिलसिलामा नयाँबस्ती पुगेर घर फर्कदै गर्दा असोज १६ गते आरोपितद्वयले कुटपिट गरेको भन्दै पीडितले असोज १८ गते इलाका प्रहरी कार्यालय, तुलसीपुरमा उजुरी दिएका छन् ।

कुटपिटबाट पीडितको बाँया आँखामा चोट लागेको र एउटा दात भाँचिएको पीडितले बताउनु भयो । पीडितको उपचार राप्ती आँखा अस्पताल रक्षाचौरमा र राप्ती प्रादेशिक अस्पतालमा असोज १७ गते गरिएको छ ।