2021-12-03
Sudurpashchim, Kailali, Dhangadhi
कैलालीमा सौताका छोरालाई विषादी खुवाइ हत्या गरेको आरोपमा प्रहरीले एक महिलालाई पक्राउ गरेको छ। प्रहरीले हत्या आरोपमा बाजुरा घर भई धनगढी उप-महानगरपालिका वडा नम्बर २ मालिका टोलस्थित एक घरमा डेरा गरी बस्ने ३५ वर्षीया मागी रोकायालाई पक्राउ गरेको हो। उनीमाथि सौता निर्मला थापा मगरका छोरा हिमालय एकेडमीमा कक्षा ३ मा पढ्ने १० वर्षीय निशान्त थापा मगरको हत्या गरेको आरोप छ। श्रीमान ३५ वर्षीय बहादुर रोकाया भने भारतमा थिए। उनले गत मंसिर २ गते भारतबाट आफन्तलाई फोन गरी आफ्नी श्रीमती मागी सम्पर्कमा नआएकोले बुझिदिन भनेको प्रहरीले जनाएको छ। आफन्त डेरा कोठामा पुग्दा निशान्त मृत फेला परेका थिए। तर मागी भने फरार भइसकेकी थिइन्। अनुसन्धानको क्रममा मागी भारतको हरियाणामा रहेको थाहा भएपछि प्रहरीले उनलाई बिहीबार भारतबाट पक्राउ गरी कैलाली ल्याए जिल्ला प्रहरी कार्यालय कैलालीले जनाएको छ। शुक्रबार कार्यालयले पत्रकार सम्मेलन गरी घटनाको जानकारी दिएको हो। मागीका श्रीमान बहादुर भारतमै तीन वर्षदेखि निशान्तकी आमा निर्मलासँग बस्दै आएका थिए। यता मागी रोकाया १४ वर्षीया छोरी र ८ वर्षीय छोरालाई पढाउन घनगढीमा बसोबास गर्दै आएको प्रहरीले जनाएको छ। प्रहरीका अनुसार बहादुर रोकायाले निर्मलालाई विवाह गरिसकेपछि छोरा निशान्तलाई पढाउन धनगढीस्थित हिमालय एकेडमीमा बोर्डस राखेका थिए। तर करिब २ वर्षदेखि निशान्त मागीसँग बस्थे। घटना हुनुअघि मागी र बहादुरबीच विवाद भएको थियो। त्यसैको रिसले उनले कात्तिक २९ गते निशान्तलाई विषादी खुवाएर हत्या गरेको प्रहरीको प्रारम्भिक अनुसन्धानबाट देखिएको कार्यालयले जनाएको छ।
विषादी खुवाएपछि छोरा र छोरीलाई लिएर उनी भारत भागेकी थिइन्। प्रहरीले कर्तव्य ज्यान मुद्दामा कैलाली जिल्ला अदालतबाट म्याद थप थरी अनुसन्धान अघि बढाएको छ।
Violent / Non-violent | Violent |
Onesided / Twosided | Onesided |
Collective / Interpersonal | Interpersonal |
Primary Form | Murder/attempted Murder |
Weapons | Other |
Primary Cause | Domestic violence |
Actor 1 - Number of people | 1 |
Actor 1 - Affiliations | Family/relative |
Actor 1 - Youth | youth |
Actor 2 - Number of people | 1 |
Actor 2 - Affiliation (Target) | Family/relative |
Actor 2 - Youth | youth |
Total Killed | 1 |
Youth Killed | 1 |
THE NEPAL PEACE MONITOR ANNUAL REVIEW: 2020
October 25, 2021
Human Trafficking / LGBT+ Rights / GBV / Political / Children’s Rights / Senior Citizens’ Rights / HRD Issues / Human Rights / Interpersonal Violence / Governance / Covid-19 / Civic-Space / PwD
The Nepal Peace Monitor Annual Review: 2019
May 24, 2020
GBV / Political / Dalit / Human Rights / Interpersonal Violence / Governance