२१ मंसिर, काठमाडौं । १४ औं महाधिवेशनमा आफ्नो समूहबाट साझा उम्मेदवार तय गर्न रामचन्द्र पौडल समूहलाई कार्यकर्ताले दबाब दिएका छन् ।मंगलबार सभापतिको साझा उम्मेदवार तय गर्न वरिष्ठ नेता पौडेल, महामन्त्री प्रकाशमान सिंह र केन्द्रीय सदस्य डा. शेखर कोइराला पूर्वमहामन्त्री प्रकाशमान सिंहको निवास चाक्सीबारीमा छलफलमा जुटेका छन् ।

नेताहरु छलफलमा रहेका बेला महाधिवेशन प्रतिनिधिको एक समूहले सभापतिको साझा उम्मेदवार चयन गर्न दबाब दिँदै नेता सिंहको निवासमा प्रदर्शन गरेका हुन् ।उनीहरुले साझा उम्मेदवारको विकल्प छैन, एकतामात्रै जितको आधार हो, नेताहरु मिल्नुस् कांग्रेस जोगाउनुस्, अहिले नमिले कहिले मिल्ने आदि लेखिएको प्लेकार्ड प्रदर्शन गरेका थिए ।