सुर्खेत : जाजरकोट जिल्लाको कुशे गाउँपालिका ९ जुर्गेमा गठबन्धन दलका नेपाली कांग्रेस, नेकपा (एकीकृत समाजवादी) र नेकपा माओवादी केन्द्रका कार्यकर्ताहरु बीच झडप भएको छ।

झडप साम्य मार्न प्रहरीले हवाइ फायर गर्नुपरेको छ।

झडपलाई कम गर्न खोज्दा प्रहरी माथि नै ढुंगामुढा गरेकाले प्रहरीले १ राउण्ड हवाइ फायर समेत गरेको थियो।

झडपमा परी कांग्रेसका कुशे ९ का २६ वर्षीय सन्देश तिरुवा घाइते भएको प्रशासनले बताएको छ। स्थिति सामान्य बनाउनका लागि सुरक्षाकर्मी परिचालन गरिएको सहायक प्रमुख जिल्ला अधिकारी झलक केसीले बताए।