पश्चिम रुकुमको आठबिसकोट नगरपालिका स्थित वडा नम्बर १० मा झडप भएको छ । चुनाव प्रचारमा हिँडेका माओवादी केन्द्र र नेपाली काँग्रेसका कार्यकर्ताको बीचमा सोमबार दिउँसो झडप भएको कर्णाली प्रदेश प्रहरी कार्यालयले जनाएको छ । माओवादी केन्द्रका कार्यकर्ताले काँग्रेसको चुनाव प्रचारमा प्रयोग गरिएको गाडी तोडफोड गरेका छन् । नेपाली काँग्रेसले एउटा मोटरसाइकल माओवादी केन्द्रका कार्यकर्ताले जलाएको दावी गरेका छन् । आइतबार पश्चिम रुकुमको त्रिवेणी गाउँपालिका र मुसिकोट नगरपालिकामा पनि काँग्रेस र माओवादी केन्द्रको बीचमा झडप भएको थियो । झडपपछि दुवै दलले संयुक्त विज्ञप्ती निकालेर सौहार्दपूर्ण वातावरणमा चुनावी कार्यक्रम गर्ने प्रतिवद्धता जनाएका थिए ।