दोलखाको मिर्गे मतदान केन्द्रमा झडप भएको छ। वैत्यश्वर गाउँपालिका ३ को कालीढुङ्गा माध्यमिक विद्यालय मतदान केन्द्रमा झडप भएको हो। नेपाली कांग्रेस र नेकपा (माओवादी केन्द्र) का कार्यकर्ताबीच झडप भएको हो। झडपका कारण मतदान कार्य नै प्रभावित भएको छ। ढुङ्गा, लौरासहितका दुई पक्षीय कार्यकर्ताबीच झडप भएको हो। स्थानीय प्रत्यक्षदर्शीका अनुसार दोहोरो झडपमा दशभन्दा बढी घाइते भएका छन्। घाइतेको मैनापोखरीस्थित स्थानीय प्राथमिक स्वास्थ्य केन्द्रमा उपचार भइरहेको छ।