कर्णालीको हिमाली जिल्ला हुम्लामा दिनभर अवस्था तनावग्रस्त रह्यो । अहिले पनि मतपेटिका ल्याउँदा निर्वाचन अधिकारीहरूको टोलीमाथि आक्रमण भएको हुम्ला निर्वाचन कार्यालयले जानकारी दिएको छ । निर्वाचन अधिकृत श्यामबाबु रानाले चंखेली गाउँपालिका–६ को हिमालय माध्यमिक विद्यालयको मतपेटिका ल्याउँदा टोलीमाथि आक्रमण भएको बताए । उनले रातोपाटीसँग भने,‘ मतपेटिका ल्याएर आउने क्रममा माथिबाट एउटा समूहले ढुंगामुढा गर्‍यो । त्यहाँबाट अहिले पनि मतपेटिका ल्याउन सकिरहेको अवस्था छैन ।’