2022-08-20
सर्लाही । सर्लाहीको हरिवनमा शनिबार राति नेकपा एमाले र नेकपा माओवादीका कार्यकर्ताबीच झडप हुँदा एक जना प्रहरीसहित ३ जना घाइते भएका छन् ।
हरिवन माछा बजारमा कौडी उठाउने विषयमा भएको विवादलाई राजनीतिक रंगदिंदा उनीहरुबीच झडप भएको हो । पछिल्लो समय हरिवनमा स–साना विषयलाई पनि राजनीतिक रंगदिंदा समय-समयमा तनावको स्थिति सिर्जना भइरहेको जिल्ला प्रहरी कार्यालय सर्लाहीले जनाएकाे छ ।
झडपमा स्थानीय मनोज बैठा र नुरसबा खातुन घाइते भएका छन् । दुई पक्षबीच कुटाकुट हुँदा घाइते भएका उनीहरुको नमूना अस्पताल हरिवनमा उपचार चलिरहेको छ । त्यस्तै, झडपमा ढुंगा प्रहार हुँदा प्रहरी जवान कासिम मियाँ धोबी पनि घाइते भएका छन् ।
टाउकोमा चोट लागेर घाइते धोबी उपचार पश्चात डिस्चार्ज भइसक्नुभएकाे प्रहरीले जनाएकाे छ । शनिबार दिउँसो हाटबजार लाग्दा माछा बजारमा कौडीबापत १ सय ५० रुपैयाँ उठाउनुपर्ने ठाउँमा ठेकेदारले २ सय रुपैयाँ उठाएको भन्दै त्यसैबाट विवाद सुरु भएको प्रहरीले जनाएकाे छ ।
हरिवनको माछा बजार यसअघि एमालेका कार्यकर्ताले ठेक्का लिएकोमा अहिले माओवादी कार्यकर्ताले नयाँ ठेक्का लिएका छन् ।
Violent / Non-violent | Violent |
Onesided / Twosided | Twosided |
Collective / Interpersonal | Collective |
Primary Form | Group Clash |
Weapons | Blunt weapon |
Primary Cause | Access/control of economic markets (syndicates, market relocation) |
Actor 1 - Number of people | N |
Actor 1 - Affiliations | UML and affiliated org |
Actor 1 - Youth | na |
Actor 2 - Number of people | N |
Actor 2 - Affiliation | CPN (Maoist Center) and affiliated org |
Actor 2 - Youth | na |
Total Injured | 3 |
Female Injured | 1 |