सिरहा — हत्याको अनुसन्धानका क्रममा हिरासतमा रहेकी एक महिलालाई प्रहरीले चरम यातना दिएको खुलासा भएको छ । मिर्चैया नगरपालिका–१ स्थित रामपुरविर्ताकी ६२ वर्षीया गुबदी देवी साह हलुवाइको गत असोज १५ गते भएको हत्या अनुसन्धानको क्रममा उनकै बुहारी ३३ वर्षीया जिवछीदेवीलाई गत शनिबार प्रहरीले नियन्त्रणमा लिएको थियो ।

नियन्त्रणमा लिइएकी जिवछीलाई अनुसन्धानको क्रममा हिरासतभित्रै प्रहरीले करेण्ट लगाई पाइपले संवेदनशील अंगसहित शरीरका अन्य भागमा यत्रतत्र कुटपिट गरेको खुलेको छ । प्रहरीको चरम यातनाले घाइते भएकी जिवछीलाई मिर्चैया अस्पतालमा उपचार गरिएपछि यातना दिएको सार्वजनिक भएको थियो । अस्पतालले घाइते जिवछीको शरीरका विभिन्न अंगमा निलडाम देखिएको जनाएको छ ।

यातनाकै क्रममा प्रहरीले आफ्नो ओठमा स्टिच पिनले च्यापेपछि जबर्जस्ती हत्यामा ससूरा मंगल साहको नाम टिपाएको यातनाका पीडित जिवछीले बताइन् । जिवछीलाई सोमबार हिरासतमुक्त गरिएको थियो ।

गत असोज १४ गते खेततर्फ गएकी ६२ वर्षीया गुबदीदेवी त्यस दिन घर फर्किनन् । घर नफर्केपछि भोलिपल्ट बुहारी जिवछी र आमाजु दिदी ललिता खोज्न जाँदा आफ्नै खेत नजिकैको उखुबारीमा गुबदी मृत अवस्थामा भेटिइन् ।

आमाजु दिदी ललिताको प्रयागपुरमा घर भएकाले छोरीकहाँ बसिन् होला भन्ने सोचेर भोलिपल्ट बिहान ललितालाई फोन गर्दा आफ्नो घर नआएको बताएपछि ललिता र जिवछीले खोजी गरिन् । खोजीका क्रममा गुबदीको शव उखुबारीमा भेटियो । शव भेटिएपछि पोष्टमार्टम गरी परिवारजनले दाहसंस्कार गरे । १३ दिनको काजक्रिया सकिएपछि प्रहरीले शनिबार बुहारी जिवछीलाई नियन्त्रणमा लियो ।

प्रहरी हिरासभित्र जिवछीलाई चरम यातना दिइयो । यातना दिएको घटना सार्वजनिकि भएपछि स्थानीयवासीले यातना दिने प्रहरीलाई कारबाहीको माग गर्दै सोमबार बिहान मिर्चैयास्थित पूर्व–पश्चिम राजमार्ग अवरुद्ध गर्दै प्रहरी कार्यालयमा ढुङ्गामुढा समेत गरेका थिए । प्रहरीले ६ राउन्ड अश्रुग्यास र दुई राउन्ड रबरको गोली प्रहार गरेका थियो ।

स्थानीयवासीको प्रदर्शन बढ्दै गएपछि सदरमुकामबाट तत्कालै सिरहाका प्रमुख जिल्ला अधिकारी लालबाबु कवारी र प्रहरी उपरीक्षक अर्जुन प्रसाद तिमल्सिनाको टोलीले प्रदर्शनकारी र आफन्तसँग छलफलमा घटनाको छानबिन गरी दोषीलाई कारबाही गर्ने आश्वासन दिएपछि प्रदर्शन रोकिएको थियो ।

मिर्चैया प्रहरीले गुबदीदेवी साहको हत्या आरोपमा उनकै पति ७० वर्षीय मंगल साह र छोरा (जीवछीकी पति) ४० वर्षीय रामबाबु साहलाई पक्राउ गरेको छ । उनीहरुलाई अनुसन्धानको लागि जिल्ला अदालतबाट म्याद थप गरेको छ । घटनाबारे थप अनुसन्धान भइरहेको जिल्ला प्रहरी कार्यालय सिरहाका प्रहरी प्रमुख एसपी अर्जुन प्रसाद तिमल्सिनाले जानकारी दिए ।

रुपन्देही क्षेत्र नं १ का प्रतिनिधिसभा उम्मेदवार विश्वकर्माले आफ्ना प्रतिस्पर्धी घनश्याम भुसालप्रति इंगित गर्दै लोकतन्त्रमा दलको विकल्प दल हुनसक्ने तर निर्दल नहुने बताए । ‘एकपटक टिकट नपाउँदैमा पार्टी छाड्ने र आफ्नै पार्टीको सरकारलाई गिराउनेले मुलुकलाई सही मार्गमा डोर्‍याउन सक्दैन,’ मंगलबार रुपन्देही क्षेत्र नं १ (२) निर्वाचन प्रसारप्रसार कार्यालय तथा भेला उद्घाटन गर्दै विश्वकर्माले भने, ‘दलको विकल्प निर्दल कहिल्यै हुन सक्दैन ।’ लोकतन्त्रमा दलविहीनताको कल्पना गर्नेलाई नागरिकले चिन्नु पर्ने पनि उनले बताए ।

यो वर्षको मनसुन जल तथा मौसम विज्ञान विभागले आकलन गरेभन्दा १५ दिन ढिलो गरी आइतबार मात्र मुलुकबाट बाहिरिएको छ ।

प्राणपखेरु उडेपछि पार्थिव शरीरको आ–आफ्नो परम्परा अनुसार अन्तिम संस्कार गर्ने चलन छ । लासलाई माटामा गाड्ने प्रचलन सम्भवतः सबभन्दा व्यापक हो ।

आगामी निर्वाचनका लागि नामाङ्कनको प्रक्रिया सुरु भएपछि दुई विषयले निकै चर्चा पाए । पहिलो, प्रमुख दलहरूले समानुपातिकतर्फको सूचीमा पठाएका केही सम्भ्रान्तहरूका नामबारे ।

गत वर्ष भदौ तेस्रो सातातिरको कुरा हो । सत्ताको साँचो हातमा लिएको सबैभन्दा ठूलो दल नेपाल कम्युनिस्ट पार्टी (नेकपा) भित्रको विवाद उत्कर्षमा थियो ।