नेकपा (एकीकृत समाजवादी) बाट मकवानपुर–२ मा प्रतिनिधिसभा सदस्यका उम्मेदवार रहेका विरोध खतिवडामाथि हातपात भएको छ । बुधबार मकवानपुरको मनहरी गाउँपालिका–४ मसिनेमा चुनावी सभामा पुगेर गाडीबाट ओर्लनेबित्तिकै एक जना पुरुषले उनीमाथि हातपात गरेका हुन् । खतिवडामाथि हातपात गर्ने व्यक्ति उपमहानगरपालिका–२ का ५५ बर्षीय (अन्दाजी) पुरुषोत्तम खड्का रहेका बताइएको छ । हातपात गर्ने खड्कालाई जिल्ला प्रहरी कार्यालय मकवानपुर प्रहरीले नियन्त्रणमा लिएर अहिले अनुसन्धानका गरिरहेको छ । प्रारम्भिक अनुसन्धानमा खड्काले मादक पदार्थ सेवन गरेको र पुरानो रिसइबीका कारण खतिवडामाथि रिस साँधेको पाइएको छ ।