पाँचथर — पाँचथरको सुखबोध माध्यमिक विद्यालयमा रहेको मतदानस्थल नजिकै विस्फोट भएको छ । मतदान सुरु भएको २ घण्टापछि मतदान केन्द्रदेखि ५० मिटर नजिकै विस्फोट भएको हो । फिदिम- ४ को जोरसालस्थित सुखबोध मावि मतदानस्थल । विस्फोटसँगै केही छर्रा मतदान केन्द्रसम्म आइपुगेका थिए । कुनै किसिमको मानवीय क्षति नभए पनि करिब ५ मिनेट मतदान प्रक्रिया अवरुद्ध भएको बताइएको छ । विस्फोटको खबर आएलगत्तै सदरमुकामबाट सुरक्षाकर्मीको थप टोली परिचालन गरिएको जिल्ला प्रहरी कार्यालय पाँचथरले जनाएको छ । विस्फोट भएको वस्तुबारे भने अझै खुलिसकेको छैन । यो मतदानस्थलमा तीनवटा केन्द्र छन् ।