एमाले र कांग्रेसका कार्यकर्ताबीच झडप हुँदा स्याङ्जाको चापाकोट नगरपालिका-१ को मतदान स्थलमा हवाई फायर भएको छ।

मतदानको विषयलाई लिएर दुई पक्षबीच झडप हुँदा स्थिति नियन्त्रण लिन हवाई फायर गर्नुपरेको एसपी राजीवबहादुर बस्नेतले अन्नपूर्णलाई जानकारी दिए।

चापाकोट नगरपालिका- १ को आधिचौघेरास्थित भानु मावी मतदान केन्द्रमा विवाद हुँदा करिब डेढ घन्टा मतदान स्थगित भएको थियो।

अहिले स्थिति नियन्त्रणमा आएको र मतदान प्रक्रिया अघि बढेको एसपी बस्नेतले बताए।