Bibek Dhungana
काठमाडौँ । ०७१ कात्तिक ५ गते
पतिबाट जलाइएकी बाँके खासकारकाँदो गाविस-२ भुजईगाउँकी २५ वर्षीया हेमकुमारी धोबीको कात्तिक ४ गते उपचारको क्रममा वीर अस्पतालमा मृत्यु भएको छ ।
पति २६ वर्षीय गयाप्रसाद धोवीले असोज २६ गते हेमकुमारीलाई मट्टतिेल खन्याई आगो लगाएर हत्या प्रयास गरेका थिए । आगोमा जलेकी हेमकुमारीको ८० प्रतिशत शरीरको भाग जलेको थियो ।
जिल्लामा उपचार सम्भव नभएपछि हेमकुमारीलाई थप उपचारका लागि महिला तथा बालबालिका कार्यालय, इन्सेक, माइती नेपाल लगायत संस्थाहरुको समन्वयमा थप उपचारका लागि असोज २७ गते काठमाडौँ ल्याइएको थियो । हाल मृतक हेमकुमारीको त्रिविवि शिक्षण अस्पताल महाराजगञ्जमा पोस्टमार्टम भइरहेको वीर अस्पतालमा कार्यरत सुरक्षाकर्मी वीरेन्द्र खनालले जानकारी दिए ।
जिल्ला प्रहरी कार्यालय बाँकेका एसएसपि शेखर कोइरालाले घटनामा संलग्न आरोपित गयाप्रसादलाई असोज २७ गते गिरफ्तार गरी आरोपित उपर अनुसन्धान भइरहेको इन्सेक बाँके जिल्ला प्रतिनिधिलाई जानकारी गराएका छन् ।
विवेक ढुङ्गाना