एमालेसम्बद्ध २३ जनवर्गीय संगठनले सोमबार सरकारविरुद्ध विरोध प्रदर्शन गरेका छन् । सार्वजनिक महत्व र समसामयिक विषयमा सरकारमाथि दबाब बढाउने पार्टी नीतिअनुसार एमालेसम्बद्ध जनवर्गीय संगठनहरूले संयुक्त प्रदर्शन गरेका हुन् ।

प्रदर्शनकारीले राष्ट्रपति रामचन्द्र पौडेल र प्रधानमन्त्री पुष्पकमल दाहाल प्रचण्डले लगातार असंवैधानिक काम गरेको आरोप लगाउँदै दुवैको राजीनामा मागेका थिए । उनीहरूले भारत भ्रमणका क्रममा गम्भीर राष्ट्रघात भएको, संविधान र संसदीय कानुन मिचेर नागरिकता विधेयक ल्याइएको भन्दै नारा लगाएका थिए ।