RSS
खोटाङ, मंसिर २६ - घाँस काट्न गएकी एक महिला मृत फेला परेकी छन् । जिल्लाको दक्षिणी गाविस सावाकटहरे-३ की ३१ वर्षीया खुसमायाँ भुजेल बिहीबार साँझ मृत फेला परेकी हुन् ।
शारीरिक रुपमा अपाङ्ग रहेकी खुसमायाँ बिहान घाँस काट्न जङ्गल गएको पारिवारिक स्रोतले जनाएको छ । बिहान सबेरै उठेर घाँस काट्न भन्दै घरबाट हिँडेकी उनी दिनभर घर नआएपछि खोजतलास गर्दा नागी भन्ने ठाउँमा मृत फेला परेको स्थानीयले जनाएको छ ।
घटनाको बारेमा यकिन जानकारी आउन बाँकी रहेको जिल्ला प्रहरी कार्यालय खोटाङका प्रहरी नायव उपरीक्षक विनोदराज खरेलले बताए । खरेलका अनुसार मृत खुसमायाको शव परीक्षणका लागि जिल्ला अस्पताल दिक्तेल ल्याइँदै छ ।