तीस दलीय मोर्चाले गरेको जनकपुर बन्दका क्रममा बन्द समर्थक महोत्तरी जिल्लाको एकरहिया गाविस-१ का ३० वर्षीय राजाराम झाको पुस २८ गते मृत्यु भएको छ । उनी आन्दोलनकारीले बजार बन्द गराउन हिँडेको जुलुसमा सहभागी भएका थिए । आन्दोलनकारीले झाको मृत्यु प्रहरीको आक्रमणका कारण भएको बताएका छन् भने आन्दोलनका क्रममा एक्कासि लडेपछि अस्पताल पुर्‍याउँदा उनको मृत्यु भएको प्रहरीले जनायो । पोष्टमार्टमका लागि लास जनकपुर अञ्चल अस्पतालमा राखिएको छ । तीस दलीय मोर्चाका कार्यकर्ताले लासलाई जनकपुर नगर परिक्रमा गराउन अस्पतालबाट लैजान खोज्दा प्रहरीले बल प्रयोग गरेको छ । पोस्टमार्टम नगराई परिवारलाई लास नदिने जिल्ला प्रहरी कार्यालयका इन्सपेक्टर भगिरथ रग्मीले बताएका छन् । घटना कसरी भयो त्यसको अनुसन्धानको लागि पोस्टमार्टम गराइ लास बुझाउने इन्सपेक्टर रेग्मीले बताए । विनोदकुमार रविदास