एमाओवादी नेतृत्वको ३० दलीय मोर्चा, नेकपा-माओवादी र पद्मरत्न तुलाधर पक्षधरको आदिवादी जनजाति महासङ्घले माघ ६ गते आह्वान गरेको बन्दका क्रममा प्रेसलाई लक्षित गरी गरिएको आक्रमण प्रति नेपाल पत्रकार महासङ्घले निन्दा र भत्र्सना गरेको छ । महासङ्घका अध्यक्ष डा. महेन्द्र विष्टद्वारा माघ ६ गते जारी विज्ञप्तिमार्फत बन्दको क्रममा सवारी साधन तोडफोड गर्ने, पत्रकारलाई धम्की दिने तथा दुर्व्यवहार गर्ने कामप्रति महासङ्घले भत्र्सना गरेको हो । प्रेसलाई निर्वाध आवागमनमा अवरोध नगर्न सम्बन्धित पक्षलाई गम्भीर ध्यानाकर्षण गराउँदै महासङ्घले पत्रकार, सञ्चारमाध्यम र प्रेसका सवारी साधनको भरपर्दो सुरक्षा प्रबन्ध मिलाउन सरकारसँग माग गरेको छ ।

विवेक ढुङ्गाना