रौतहट, माघ ९ - अज्ञात समूहको गोली लागि बिहीबार राति यहाँका श्रीराम सुगर मिल्समा कार्यरत सुरक्षा गार्ड घाइते भएका छन् । ड्यूटीमा खटेका गार्डको हात र छातिमा गोली लागेको प्रहरीले जनाएको छ । उनलाई गेाली हान्नेको पहिचान भएको छैन । फरार समूहको खेजी भइरहेको प्रहरीले जनाएको छ । बाराको गढीमाई नगरपालिका २ का २७ वर्षीय पूण्यप्रसाद पौडेल अज्ञात समूहको गोली लागि घाइते भएको गरुडा प्रहरीले जनाएको छ । राति १२ बजे डिष्टिलर प्लान्टमा ड्यूटीमा खटिएका पौडेलमाथि हतियारधारी समूहले गोली प्रहार गरेका थिए । छाति र हातमा गोली लागेका उनलाई तत्कालै गौर अस्पताल लगिएको थियो । उनको उपचारको लागि वीरगञ्ज पठाइएको प्रहरी निरीक्षक प्रतित सिंह राठौरले जनाए ।